Le Almanac de Interlingua 41 es disponibile

Como dicerea nostre car amico Hamlet: "Parolas, parolas, parolas". Io non sape si vos lector es ric o si vos es paupere a causa de haber o non haber moneta. Ma, esque vos es ric o paupere de parolas? Como es tu ricchessa o povressa de vocabulos? 

Esque vos ja videva le personas que dice "si vos vole magrir, demanda me como"? O le personas que annuncia: "deveni ric in duo septimanas"? Hmmm... io non pote promitter isto a vos! No, no! Ma io es certe que, como diceva Hamlet, le Almanac de Interlingua es facite per "parolas, parolas, parolas..." Si vos lo lege, vos devenira ricchissime in le vocabulario de Interlingua e vostre capacitate de communication devenira plus ric. Dunque, que cosa vos attende pro leger lo? 

Si vos ancora non ha vostre nomine in le lista del abonatores (es gratis!), invia un e-posta al editor: almanacdeinterlingua@yahoo.com.br. Le edition 41 solmente habera ci un ligamine in le mense proxime. Non attende e demanda lo ora... o esque vos non vole esser ric?!

Almanac de Interlingua, 40, april 2013, discarga

Ora io crede que vos ja sape proque
le corvos esseva in le message anterior.

E nos habeva le corvos parlante, ora nos ha mesmo Edgar Allan Poe que se mitteva  ridiculemente in vestimentos del Teletubbies sol pro vostre amusamento e usque ora vos  non ha legite le edition del Almanac de Interlingua 40? 

"No, no, no, vos debe leger lo!" – dice le ave! 

Ci  vos trovara le ligamine al exemplar del Almanac de Interlingua, numero 40, april 2013.

Clicca super le ligamine infra pro leger, imprimer o discargar lo:

Discarga:

ALMANAC DE INTERLINGUA 40

Pre-visualisation:

ALMANAC DE INTERLINGUA 40

Le Almanac de Interlingua 40 es disponibile

Esque a vos place leger “bizarre e curiose volumines de oblidate sapientia”? Dunque, io pensa que a vos va placer esser recordate del lectura del curiose, ma non bizarre, e plen de sapientia Almanac de Interlingua 40. Pro que? Ha-ha! Io non va dicer, sol si vos va leger lo, vos va discoperir!!! Si vos ancora non ha sollicitate abonar vos gratuitemente al Almanac de Interlingua, face le sollicitation al editor, per le e-posta: almanacdeinterlingua@yahoo.com.br. Non attende nihil plus, ni nunquam plus, face lo ja e lege lo ora!

Le corvos ha un message a vos. 

Clicca super le imagine pro aggrandir lo. 

Almanac de Interlingua, 39, martio 2013, discarga

Interlingua es amor! In le edition 39 vos potera leger un declaration de amor a Interlingua. Que cosa romantic! Vos va perder vos inter physica e philosophia, e qual, in fin, es le differentia hodie inter ambe disciplinas del cognoscentia human? Esque vos vole saper del frisio, del judeos retornate a Israel e plus? Il es clar que vos vole! Dunque lege le Almanac de Interlingua 39, cognosce plus, informa vos e forma vostre opiniones, toto in Interlingua!

Ci  vos trovara le ligamine al exemplar del Almanac de Interlingua, numero 39, martio 2013.

Clicca super le ligamine infra pro leger, imprimer o discargar lo:

Discarga:

ALMANAC DE INTERLINGUA 39

Pre-visualisation:

ALMANAC DE INTERLINGUA 39

Le Almanac de Interlingua 39 es disponibile

Io non sape si a vos place ascoltar le gruppo britannic "The Beatles" e critar como critava le pueras qui amava le quartetto ab Liverpool. Ma io es certe que vos remane anxie tote le menses a causa de attender un nove edition del Almanac de Interlingua, nonne? Tunc tu pote nunc critar de emotion proque le edition 39 es preparate e vos sol debe facer como sempre, si vos vole leger lo ja, invia un sollicitation al editor per le e-posta: almanacdeinterlingua@yahoo.com.br. Illo va esser ci pro discarga solmente in le mense veniente. Pro que attender? Crita a plen pulmones: Io lege ora mesmo le Almanac de Interlingua!

Almanac de Interlingua, 38, februario 2013, discarga

Qual es un bon test pro saper si un persona es vermente folle o sol vole finger se folle pro fugir ab obligationes? Un del melior es demandar que uno lacera un billet monetari sue. Si ille lo va lacerar, on le considera folle. Ma il existe altere formas plus perverse de "lacerar" moneta, un es le inflation, altere, le crises cyclic que le economia suffre. Lege plus in le prime articulo del Almanac de Interlingua 38. Face anque un viage al populose e fascinante India e al region Nord-Est in Brasil, quasi un altere pais in le pais, con su proprie colores e cultura ricchissime. Lege le Almanac de Interlingua e cognosce plus!

Ci  vos trovara le ligamine al exemplar del Almanac de Interlingua, numero 38, februario 2013.

Clicca super le ligamine infra pro leger, imprimer o discargar lo:

Discarga:

ALMANAC DE INTERLINGUA 38

Pre-visualisation:

Le Almanac de Interlingua 38 es disponibile

Le Almanac de Interlingua, 38, februario 2013, es disponibile. Sollicita lo al editor per le e-posta: almanacdeinterlingua@yahoo.com.br. Ci in le blog vos trovara un ligamine pro discargar lo solmente in le mense proxime.

Almanac de Interlingua, 37, decembre 2012, discarga

Ci  vos trovara le ligamine al exemplar del Almanac de Interlingua, numero 37, decembre 2012.

Clicca super le ligamine infra pro leger, imprimer o discargar lo:

Discarga:

ALMANAC DE INTERLINGUA 37

Pre-visualisation:

Como on ja habeva informate, in le mense de januario, il non essera livrate le exemplar del Almanac de Interlingua. In su loco, on habera le Grammatica Essential de Interlingua in Portugese, un auxilio utilissime al personas qui sape le lingua de Camões, Pessoa, Machado de Assis, Paulina Chiziane, mie, del editor, de donna Maria e senior José, de Manuel e Joaquim, o sia, le Lingua Portugese!

Grammatica Essential de Interlingua in Portugese - disponibile!

In le mense de januario, a causa del vacationes meritate del editor, on non habera le exemplar del Almanac de Interlingua livrate a vostre cassas e-postal. Ma non despera vos! In iste mense, gratias al labor del editor, Cláudio Rinaldi, le populos lusophone o mesmo qualcunque persona qui comprende le lingua portugese, habera accesso a un utilissime grammatica essential de Interlingua.

Ci:

GRAMMATICA ESSENTIAL DE INTERLINGUA 
IN PORTUGESE 

vos pote trovar le ligamine recte al Calaméo mantenite per Cláudio Rinaldi. 

E, como sempre occurre con le Almanac de Interlingua, on ha un pre-visualisation del grammatica; clicca super le mini-Calaméo pro aggrandir lo: 

GRAMÁTICA ESSENCIAL DE INTERLINGUA EM PORTUGUÊS

Un bon lectura, bon tempore de studio a qui va se dedicar a iste grammatica e 
que illo pote generar plus personas capabile de communicar se in Interlingua!